راییکردنی مامەڵەی هاوڵاتیان لە هاتوچۆی هەولێر ئاسایی بووەوە

توانا نەقی

دوای ئەوەی دوێنێ هەورەبرسکە لە تاوەری ئینتەرنێتی هاتوچۆی هەلێری داو هێڵی ئینتەرنێتی بڕێ و مامەڵەی هاوڵاتیانی پەکخست، درەنگانی شەوی رابردوو توانراوە چاک بکرێتەوە.

هاتوچۆی هەولێر دەڵێت، لە ئەم بەیانییەوە ئینتەرنێت گەڕاوەتەوە و هاوڵاتیان دەتوانن سەردانیان بکەن بۆ رایی کردنی مامەڵەکانیان.

هێمن محەمەد ئەمین وتەبێژی هاتوچۆی هەولێر بە 964ـی وت، راییکردنی مامەڵە لە بەڕێوەبەرایەتییەکانین هەنووی سیستممە بۆیە بەهۆی هەورەبروسکەکەوە سەرجم کۆمپیوتەر و بەشێک لە جیهازەکانیان سووتاون.

وتیشی، درەنگانی شەو سەرجەمیان چاککراونەتەوە و ئەمڕۆ دەوام ئاسایی دەبێت و مامەڵەی هاوڵاتیان رایی دەکەن.

ئاماژەی بەوەشکرد، بەهۆی ئەوەی دوێنێ کاریان نەکردووە ئەمڕۆ لۆدێکی زۆریان لەسەر دەبێت و بەڵام کاتی زیاتر دەمێننەوە تا هەموو مامەڵەی هاوڵاتیان بە ڕێ بخەن.