+964

ژووری هەواڵ

دەزگا راگەیاندنەکانی ئیسرائیل ناوی ئەو موشەکەیان ئاشکرا کرد کە هێرشەکەی دوو شەو لەمەوبەری شاری ئەسفەهانی پێ ئەنجام درابوو، موشەکەکە ناوی “هەیەجانە” و لەناوخۆی ئیسرائیل پەرەی پێدراوە.

ئەمریکا بڕیاریداوە سزا بەسەر کەتیبەی (نیتسەح یەهودای) ئیسرائیلی بسەپێنێت بەهۆی ئەنجامدانی کۆمەڵکوژی لە کەرتی ‌غەزە، وەزیری ئاسایشی نەتەوەیی ئیسرائیل بنغەفیر دەڵێت، “ئەمە هێڵی سوورە”.

وتەبێژی بەرگری شارستانی غەزە دەڵێت، دوای کشانەوەی سوپای ئیسرائیل لە چەند ناوچەیەکی کەرتی غەزە، دوو هەزار فەلەستینی بێسەروشوێنن، ئەوەش دەڵێت تا ئێستا نازانین کوژراون یان بە دیل گیراون.

ئاژانسی ئانادۆڵ لە زاری ئیسماعیل هەنیە دەڵێت، هەڵوێستی واشنتۆن سەبارەت بە ناوچەی رەفەح فریودەرە، ئێمەش ناکەوینە تەڵەی ئەمریکییەکان و ئیسرائیلییەکان.

شەوی رابردوو درۆنێک نزیک کەوتووەتەوە لە کێڵگەی غازی کۆنیکۆ لە رۆژهەڵاتی سوریا کە بنکەیەکی سەربازی ئەمریکای لێیە، بەپێی روانگەی سووری بۆ مافەکانی مرۆڤ بێت، درۆنەکە خراوەتە خوارەوە و هیچ زیانێک بە کێڵگە غازەکە نەکەوتووە.

964+

ئەرسەلان عەبدوڵا

پارێزگاری هەولێر رایگەیاند، نرخی غازی پاڵپشتیكراو لە لایەن حكومەتی هەرێمەوە هەر وەك خۆیەتی، بۆیە ئەوەی لەسەر هاوڵاتیان گرانی بكات، ئیجرائاتی لەگەڵ دەكەن.

ئومێد خۆشناو ئەمڕۆ شەممە 1.3.2025 لە كۆنگرەیەكی رۆژنامەوانیدا باسی ئەوەی كرد، “هیچ كێشەیەك نییە لە دابینكردنی غاز بۆ هاوڵاتیان، بۆیە نرخی غازی پاڵپشتیكراو لە لایەن حكومەتەوە وەك خۆیەتی، هەر بریكار و فرۆشیارێكیش نرخەكەی لەسەر هاوڵاتیان گران بكات، ئیجرائاتی لەگەڵدا دەكەین، بەڵام بۆ نرخی غازی بازرگانی لە بازاڕدا، ئەوە رەنگە گران بووبێت”.

هەروەها ئاشكرای كرد، خەریكن لەگەڵ لایەنە پەیوەندیدارەكان كۆبوونی ئەلیكترۆنی تایبەت بە سووتەمەنی دەهێننە ئاراوە، كە هاوڵاتیان دەتوانن بۆ دابینكردنی سووتەمەنی بە ئاسانی سوودی لێوەربگرن.

هەروەها سەبارەت بە ئەگەری گرانكردنی نرخی كەلوپەل لە بازاڕەكانی هەولێر، پارێزگاری هەولێر رایگەیاند، لەمبارەیەوە چەند بڕیارێكمان دەركردووە و داواكارین بازرگانان و خاوەن ماركێت و سوپەرماركێتەكان پێوەی پابەندبن، چونكە هەر كەسێك كەلوپەل و پێداویستی هاوڵاتیان گران بكات، بە تایبەتی لەم مانگەدا، ئیجرائاتی توندی لەگەڵ دەكەین و ناوەكانیشیان بڵاودەكەنەوە.

قسەكانی ئومێد خۆشناو بۆ میدیا، لە هەڵمەتی پاكڕاگرتنی مزگەوتەكانی هەولێر بوو، كە ئەمڕۆ دەستیپێكردووە و لەلایەن بەڕێوەبەرایەتیی خزمەتگوزاری و ژینگەپارێزی، سەر بە شارەوانیی هەولێر رێكخراوە.

کەمبوونەوەی غاز کاریگەری کردووەتە سەر نرخەکەی و بەرزبووتەوە