لە سلێمانی
لە رۆژی ژینگەدا 423 کارمەندی مین خەڵات کران
964+
دیلان محەمەد جەزا – سلێمانی
لە شاری سلێمانی خەڵات بەخشرایە 423 کارمەندی مین و هۆکاری پێبەخشینی خەڵاتەکەش رۆژی ژینگەی کوردستان بووە.
ئەمڕۆ سێشەممە 16.4.2024 رۆژی ژینگەی کوردستان بوو و رێکخراوی شار بەو بۆنەیەوە ئەو کارمەندانەی بەڕێوەبەرایەتیی گشتیی کاروباری مینی سلێمانیی خەڵات کرد.
دانا جەمال، سەرۆکی رێکخراوی شار بە 964ـی وت، “دابەشکردنی خەڵاتەکە لە بەرامبەر هەوڵ و ماندووبوونی کارمەندانی مینە بۆ پاککردنەوە و نەهێشتنی مەترسی لەسەر ژینگەی کوردستان”.
باسی لەوەش کرد، لە رێکخراوەکەیاندا هەر ساڵە و بە جۆرێک یادی رۆژی ژینگەیان کردووەتەوە و ئەمساڵ کارمەندانی مینیان بەسەرکردووەتەوە، کە مەرگی خۆیان خستوەتە پێش پاکردنەوەی ژینگەی کوردستان.
پێداچوونەوە: پێشەوا محەمەد