بازرگانێکی مادەی هۆشبەر بە برینداری دەستگیرکرا 

964+

کاروان ساڵحی – کەرکوک

کاتژمێر 4ی بەرەبەیانی ئەمڕۆ لە شەقامێکی کەرکوک شەڕە تەقە لەنێوان تۆمەتبارێکی مادەی هۆشبەر و پۆلیس روویداوە، تۆمەتبارەکە بە برینداری دەستگیرکراوە.

تۆمەتبارەکە ئۆتۆمبێلێکی کیای دوو تۆنی لابووە و بازرگانی مادەی هۆشبەر بووە.

سەرچاوەیەکی تایبەتی لە بنکەی پۆلیسی عەرەفە بە964ـی وت، لەشەقامی عەرەفەی شاری کەرکوک و نزیک مۆڵی شاهی ژیان، تۆمەتبارێک کەوتووەتە بۆسەی پۆلیسەوە و هەوڵی هەڵاتنی داوە، رووبەڕووبونەوە لەنێوان پۆلیسی نەهێشتنی ماددەی هۆشبەر و تۆمەتبارەکە روویداوە و تۆمەتبارەکە بە برینداری دەستگیرکرا و رەوانەی نەخۆشخانە کراوە.

ئەو سەرچاوەیەی پۆلیس وتیشی، دوای لێکۆڵینەوە دەرکەوت تۆمەتبارەکە داواکراوە لەلایەن دادگاوە و یەکێکە لە بازرگانەکانی ماددەی هۆشبەر.

پێداچوونەوە: فەهمی نەبی