تیمەکانى کارەباى گارمیان لەکاتى چارەسەرکردنى کێشەیەکى کارەبا وێنە: کارەباى گەرمیان
لە چوار ساڵدا
نزیکەی 300 هەزار هاوبەشی کارەبا زیادیانکردووە
964+
ژووری هەواڵ
لە ماوەی چوار ساڵدا، نزیکەی 300 هەزار هاوبەشی کارەبا زیادیانکردووە، بەجۆرێک ئێستا ژمارەیان نزیکبووەتەوە لە یەک ملیۆن و 900 هەزار هاوبەش.
ئەمڕۆ هەینی 5.4.2024، وەزارەتی کارەبا ژمارەی ئەو هاوبەشانەی کارەبای بڵاوکردەوە کە لە ساڵی 2019 تاوەکو 2023 هاوبەشی کارەبایان کردووە و دەڵێت، لە هەر سێ پۆلی نیشتەجێبوون، کشتوکاڵ و پیشەسازی، ژمارەکە گەیشتووەتە ملیۆنێک و 856 هەزار و 782.
بەگوێرەی ئامارەکەی وەزارەتی کارەبا، هەر ساڵێک نزیکەی 70 هەزار هاوبەشی کارەبا زیادیانکردووە.
هاوبەشانی كارەبا نزیكەی یەك ترلیۆن و 100 ملیار دیناری پارەی كارەبا قەرزدارن.