داوا لە بەغدا دەکات
سهرۆكی ههرێم داوای قهرهبووكردنهوهی كوردانی فهیلی دهكات
964+
ئهرسهلان عهبدوڵا
سەرۆکی هەرێمی کوردستان لە یادی 44 ساڵەی جینۆسایدی کوردانی فەیلی بهیاننامهیهكی بڵاوکردەوە و داوا دهكات حکومەتی عێراق له ههموو روویهكهوه كوردانى فهیلى قهرهبوو بكاتهوه.
نێچیرڤان بارزانی، سەرۆکی هەرێمی کوردستان ئهمڕۆ پێنجشهممه 4.4.2024 له بهیاننامهكهیدا دەڵێت، “جینۆسایدى كوردانى فهیلى و ههموو ههوڵهكانى سڕینهوه و تاوانهكان دهرههق به گهلى كوردستان، مێژوویهكى رهش و رابردوویهكى تاڵى پڕ له ههڵهى عێراقه، كه بووه هۆى نههامهتى و ناسهقامگیرى بۆ وڵات.”
دهقی بهیاننامهكه:
ئهمڕۆ یادى به ئازارى چل و چوار ساڵهى جینۆسایدى ههزاران كوردى فهیلى دهكهینهوه كه له شاڵاوێكى دڕندانهى رژێمى ئهوساى عێراقدا، لهبهر كوردبوون و پشتگیرییان له شۆڕشى كوردستان، رووبهڕووى كوشتن، گرتن، دهركردن و بێسهروشوێنكردن بوونهوه و رهگهزنامه و سامان و ماڵ و حاڵیان لێسهنرایهوه.لهم یادهدا داواكاریمان له حكوومهتى فیدراڵیى عێراق دووپات دهكهینهوه بهپێى بڕیارى دادگای باڵای تاوانەکانی عێراق كه ئهو تاوانهى به جینۆساید ناساند، كوردانى فهیلى له ههموو روویهكهوه قهرهبوو بكاتهوه، رهگهزنامه و موڵك و ماڵیان بۆ بگهڕێنێتهوه و كێشهكانیان چارهسهر بكات، بۆ ئهمهش بهردهوام له ههوڵ و كۆششدا دهبین و ههرچى پێویست بێت هاوكار دهبین.
جینۆسایدى كوردانى فهیلى و ههموو ههوڵهكانى سڕینهوه و تاوانهكان دهرههق به گهلى كوردستان، مێژوویهكى رهش و رابردوویهكى تاڵى پڕ له ههڵهى عێراقه كه بووه هۆى نههامهتى و ناسهقامگیرى بۆ وڵات. دهبێ ئهو رابردووه بۆ ههموومان ببێته پهند و وانه و بۆ داهاتوویهكى باشتر لهسهر بنهماى پێكهوهیى و یهكترقبووڵكردن له عێراق، سوودى لێ وهربگرین.
كوردانی فهیلی چیان بهسهر هات
لە ساڵی 1980 بەپێی بڕیاری 666ـی حكومهتی بەعس، کوردانی فەیلی، (كه زۆرینهیان موسڵمانی شیعه مهزههبن) لە ماڵ و حاڵیان دەرکران و بێبەشکران، بڕیاریش درا ناسنامهی عێراقی و هەموو موڵکەکانیان لێوەربگیرێت و به ههزارانیان دهربهدهری ئێران كران، ئهمه جگه لهوهی سهدانی دیكهیان زیندانیكران و قهتلوعام كران.