ئەمڕۆ، رۆژى ئەوان بوو
ناوى پێنجوێن لە چییەوە هاتووە؟
964+
کامیار کەمال_ پێنجوێن
هاوڵاتیانی قەزای پێنجوێن بە گەورە و بچوکەوە لە سەیرانگای سێچاکان کۆبوونەوە و فێستیڤاڵی رۆژی پێنجوێنیان ئەنجامدا.
فێستیڤاڵەکە ساڵانە لە یەکەم هەینی مانگی پێنجدا ئەنجام دەدرێت، بەڵام ئەمساڵ بەهۆی رەوشى کەشوهەوا دواکەوت.
قادر حەمەساڵح نوسەر و ئاگادار لە مێژووی پێنجوێن، لەبارەى ناوى پێنجوێنەوە بە 964ـى وت،”پێنجوێن مێژوویەکى کۆنى هەیە و بۆ ناوەکەشى چەن سەرچاوەیەکى هەیە، یەکێک لەوانە ئەوەیە پێشتر پێنج گوند لە چوار دەورى یەک بوون و پێنج وێنەى هەبووە، چەند سەرچاوەیەکى تریش گێڕانەوەى جیاوازیان هەیە”.
ماوەی حەوت ساڵە فێستیڤاڵی رۆژی پێنجوێن بەرێوەدەچێت و بڕیاریانداوە هەموو ساڵێکیش یادى بکەنەوە.
پێنجوێن لە ساڵی 1959دا بووە بە قەزا و لە ئێستادا ژمارەی دانیشتوانەکەی سەروو 30 هەزار کەسە و دانیشتوانەکەی زۆربەیان سەرقاڵى کارى کشتوکاڵین.
پێداچوونەوە: وریا فەتاح
