دیمەنی ئەو تۆڕ و ماسیانەی دەستی بەسەردا گیراوە.وینە.فەرمانگەی ژینگەی هەڵەبجە
قەدەغەی راوەماسییە
سێ راوچی ماسی دەستگیر کران
964+
توانا نەقی
سەراباری ئەوەی وەرزی قەدەغەکردنی راوەماسییە، لەلایەن مەفرەزەکانی بەشی پۆلیسی دارستان و ژینگەی شارەزوو سێ راوچی ماسی دەستگیر کران.
فەرمانگەی ژینگەی هەڵەبجە بڵاویکردەوە، مەفرەزەکانیان لە گوندی قەڵبەزە توانیویانە سێ هاووڵاتى دەستگیربکەن کە سەرقاڵى راوکردنى ماسى بوون، هاوکات توانراوە دەست بەسەر دوو تۆڕ و نۆ ماسى قەبارە جیاوازدا بگیرێت.
هەڤاڵ محەمەد بەرپرسی راگەیاندنی پۆلیسی دارستان و ژینگەی هەڵەبجە بە 964ـی وت، لە رۆژی 5.3.2024 کە قەدەغە راگەیەندراوە لەلایەن مەفرەزەکانیانەوە توانراوە، پێنج سەرپێچیکار دەستگیر بکەن.
وتیشی، جگە لە سەرپێچیکارەکان توانراوە دەست بەسەر 50 تۆڕ و 19 کیلۆ ماسیدا بگرن.
ئێستا پەڕاوی لێکۆڵینەوە بۆ ئەو کەسانە کراوەتەوە و رادەستی دادوەر کراون بۆ وەرگرتنی رێکاری یاسایی.
