نانەواخانەیەک لە شارى رانیە - وێنە: 964 وێنە: 964+
هەرجارە و چەند شوێنێک
لە سلێمانی 12 سەمون و 10 نان دەکرێن بە هەزار دینار
964+
پێشەوا محەمەد
بە چاودێریی بەڕێوەبەرایەتیی چاودێریی بازرگانیی سلێمانی هەرجارە و چەند نانەواخانە و سەمونخانەیەک 12 سەمون و 10 نان دەدەن بە هەزار دینار.
کۆمپانیایەک لە رێگەی ئەو بەڕێوەبەرایەتییەوە هەرجارە و هاوکاریی شەش نانەواخانە و سەمونخانە لە شوێنە جیاوازەکانی ناوشاری سلێمانی دەکات و ئەوانیش نان و سەمون هەرزان دەکەن.
بڵند ئەحمەد، بەڕێوەبەری چاودێریی بازرگانیی سلێمانی بە 964ـی راگەیاند، کۆمپانیایەک ئارد دەداتە نانەواخانەکان و ئەوانیش تا ئەو ماوەیەی ئارد وەردەگرن رۆژانە 12 سەمون و 10 نان دەدەن بە هەزار دینار.
وتیشی، “هەر چەند رۆژێک و لە سنوورێکی سلێمانی چەند سەمونخانە و نانەواخانەیەک هاوکاری دەکرێن تا زۆرترین هاوڵاتیی شاری سلێمانی سوودی لێ ببینن”.
964 دەزانێت، هەرزانکردنی نان و سەمون تەنیا بۆ مانگی رەمەزانە و دوای تەواوبوونی ئەو مانگە نرخی نان و سەمون وەک خۆی لێدێتەوە.
بۆ چەند رۆژی داهاتوو ئەم نانەواخانە و سەمونخانانە هاوکاری کراون:
*فڕنی سەمونی نوێکار لە زیلە سووتاوەکە.
*فڕنی سەمونی رۆمی لە سەدەکەی ئازادی.
*نانەواخانەی وەستا رزگار لە هەواری تازە.
*فڕنی سێلا لە کوردسیتی.
*نانەواخانەی بێدارانی کانی با لە گەڕەکی کانی با.
*فڕنی سەمونی ئەسنا لە کانی سپیکە.
*نانەواخانەی وەستا ئومێد لە هوانە.