دیمەنێکی ناوبازاڕی سلێمانی - وێنە: 964
رێکارەکان چین؟
قایمقامیەتی سلێمانی رێکاری نوێی تەندروستی بۆ رەمەزان دەگرێتەبەر
964+
ژووری هەواڵ
لە شاری سلێمانی بڕیارێکی نوێ بۆ ئەو شوێنانە دەرچوو کە لە مانگی رەمەزاندا کارەکانیان دەگۆڕن بۆ دروستکردنی شیرینی، بەگوێرەی بڕیارەکە دەبێت شوێنهكه و كارمهندهكانیش له فهرمانگهی چاودێری تهندروستی مۆڵهت وهربگرن و رێنماییه تهندروستییهكان جێبهجێبكهن.
ئەمڕۆ یەکشەممە 10.3.2024، لە قایمقامی سلێمانی و لایهنه پهیوهندیدارهكان كۆبونهوه و گفتوگۆیان لهبارهی رێكارهكانی پاراستنی تهندروستی هاوڵاتیان له مانگی رهمهزاندا كرد، بۆئهوهی لهرووی تهندروستیی و نرخهوه چاودێری بازاڕ و شوێنه گشتییهكان بكهن.
له کۆنفرانسێکی رۆژنامهوانیدا، ئاوات محەمەد، قایمقامی سلێمانی رایگهیاند، “ههموو لیژنهكانی قایمقامیهت و تهندروستی و چاودێری بازرگانی و ئاسایش دهرچوون و چالاكییهكانیان زیاتر دهكهن و رێگه نادهین بههۆی مانگی رهمهزان و زۆربوونی خواستی هاوڵاتیانهوه نرخی خۆراك بهرز ببێتهوه و خواردن و شمهكی ناتهندروستیش به هاوڵاتیان بفرۆشرێت”.
د. ژیار بەهادین، نوێنەری ڤێتێرنەری لە قایمقامیەتی سلێمانی بە 964ـی راگەیاند، لە مانگی رەمەزانی پیرۆزدا گەڕانەکانیان زیاتر دەکەن و بەیانیان، عەسران و شەوانیش دەرچوونیان دەبێت.
د. رزگار ئهحمهد، بهڕێوبهری خۆپاراستنی تهندروستی سلێمانی رایگەیاند، ئهو شوێنانهی له مانگی رهمهزاندا پیشهكهیان بۆ دروستكردنی شیرینی دهگۆڕن، دەبێت مۆڵەتی تەندروستی دەربهێنن و ههر بازرگان و ماركێت و خواردنگهیهك سهرپێچی بكات بهتوندی رێكاری یاسایی لهگهڵ دهگیرێتهبهر.
“بهوردی چاودێری كارگهكانی ئاوو كارگهكانی دروستكردنی شیرینی و شهربهت دهكهین و رێگه نادهین خواردن و خواردنهوهی ناتهندروست بگات به هاوڵاتیان”، د. رزگار ئهحمهد وای وت.
