رۆژین وادەڵێت
“کورد حەزی لە گۆرانی خاو نییە و هەر حەزی بە هەڵپەڕکێیە”
+964
شۆرش عەبدوڵا – هەولێر
هونەرمەند رۆژین بۆ 964 ئاشكرای دەکات، بڵاوکردنەوەی گۆرانی سینگڵ باشترە لە ئەلبوم و دەشڵێت، کورد حەزی بە گۆرانی هەڵپەرکێ و بەزم و رەزمە.
رۆژین دوایین بەرهەمی رۆژی ڤالانتاین بە ناوی “ناڤێم” بڵاوکردەوە، ئێستاش کار بۆ بەرهەمێکی نوێ دەکات و لە لێدوانێکی تایبەتدا بۆ 964 وتی، “بڵاوکردنەوەی بەرهەمە هونەرییەکان بە جیا باشترە، ئەلبوم کەمتر دەچێتە ناو خەڵکەوە، داواش لە هەوادارانی دەکات خۆیان خۆشبووێت و لە ئاوێنەدا بە قوربانی خۆیان بن”
رۆژین لە شاری ئەدەنەی تورکیا لەدایکبووە، جگە لە گۆرانی وتن رۆڵی بینیوە لە چەند فیلمێکی سینەمایی و کاری شانۆییدا، بە گۆرانی “هێژاییە”ش ناوبانگی زۆری پەیداکرد.
پێداچوونەوەی: پەری ساڵح
