پۆلیسی هاتوچۆ
ئۆتۆمبێلە بێسەرەتاکانی گەرمیان قەدەغەکران
964+
هونەر فارس – گەرمیان
ئۆتۆمبێلی بێ ژمارە و ساختە لە گەرمیان روو لە هەڵکشانە و لەم ماوەیەدا نزیکەی 20 ئۆتۆمبێلی بێ ژمارە دەستیان بەسەر گیراوە، بە قسەی هاتوچۆی گەرمیان.
بەڕێوەبەرایەتی هاتوچۆی گەرمیان رۆژانە خاڵی پشکنین دادەنێت، هەر ئۆتۆمبێلێکی بێ ژمارە بکەوێتە نێو مەفرەزەکانیان دەستی بەسەر دەگرن.
سامان عەلی وتەبێژی هاتوچۆی گەرمیان، بە +964ی راگەیاند، “پڕۆسەی دەستبەسەرداگرتنی ئۆتۆمبێلی بێ سەرەتا و ژمارەی ساختە بۆ رێگریکردنە لەو رێژە زۆرەی کە دێتە گەرمیان.”
باسی لەوەشکرد، هاتوچۆی گەرمیان بەتایبەت هیچ هەڵمەتێکی بۆ ئەو مەبەستە رانەگەیاندووە، بەڵام هەر ئۆتۆمبێلێکی بەو شێوە بکەوێتە مەفرەزەکانیانەوە دەستیبەسەردا دەگرن.
ئەو دەڵێت، تا ئێستا تیمەکانیان دەستیان بەسەر نزیکەی 20 ئۆتۆمبێلدا گرتووە و تا ئەوکاتەی حکومەت رێگەچارەیەک بۆ ئەو ئۆتۆمبێلە بێ سەرەتا و ساختانە دەگرێتەبەر بەردەوامدەبن لە دەستبەسەرداگرتنیان.