کیلۆی بە 30 هەزارە
نۆبەرەی چوالە هاتە بازاڕەوە
964+
دیلان محەمەد جەزا
نۆبەرەی چوالە هاتووەتە بازاڕەوە و هەر کیلۆیەکی بە نزیکەی 30 هەزار دینارە، میوە فرۆشێک دەڵێت، خواستی لەسەرە.
چۆمان مەحمود خاوەنی ماڵی میوە بە 964ـی وت، چوالەی هاوردەی تورکیا ماوەی دوو رۆژە هاتووەتە بازاڕەوە و هەر کیلۆیەکی بە نزیکەی 30 هەزار دینارە.
باسی لەوەکرد، هۆکاری گرانی نرخەکەی دەگەڕێتەوە بۆ ئەوەی لە دەرەوە دێت و نۆبەرەیەتی و بوونی خواستە لەسەری.
ئەوەی خستەڕو، ماوەی نزیکەی 20 رۆژێکی دیکە چوالەی خۆماڵی پێدەگات و نرخەکەی بە تەواوی دادەبەزێت.
چوالە یەکێکە لە میوە بەهارییەکان و تامێکی مزر و ترشی هەیەو زۆرجار بە خوێوە ئەخورێت، لەهەرێمی کوردستانیش بەرهەمێکی باشی هەیە.
پێداچوونەوە: توانا نەقی
