رووداوى هاتووچۆکەى گەرمیان وینە: هاتووچۆى گەرمیان لە فەیسبوک
لە نێوان نیسان پیک ئاب و تۆیۆتا کرۆلا
رووداوێکى هاتووچۆ سێ بریندارى لێکەوتەوە
964+
وریا فەتاح
پێش نیوەڕۆى ئەمڕۆ، رووداوێکى هاتووچۆ لە سنورى گەرمیان روویدا و بەهۆیەوە سێ کەس بریندار بوون.
سامان عەلى، وتەبێژى هاتووچۆى گەرمیان بە 964ى وت،”رووداوەکە لە نزیک گوندى سەید جەژنى سنورى ناحیەى سەرقەڵا، لە نێوان دوو ئۆتۆمبێل لە جۆرى نیسان پیک ئاب و تۆیۆتا کرۆلا، روویداوە”.
“سێ کەس لە رووداوەکەدا بریندار بوون کە دووانیان سەرنشینى پیک ئابەکەن و ئەوەى تریش شۆفێرى کرۆلاکەیە و بۆ چارەسەرکردن گواستراونەتەوە بۆ نەخۆشخانەى شەهید هەژار لە کەلار”، سامان عەلى واى وت.
تیمەکانى هاتووچۆى گەرمیان گەیشتونەتە شوێنى رووداوەکە و لێکۆڵینەوەیان لەبارەى هۆکارى رووداوەکە، دەستپێکردووە، بەڵام بە وتەى وتەبێژى هاتووچۆى گەرمیان، زۆربەى رووداوەکان بۆ پابەندنەبوونى شۆفێران دەگەڕێتەوە بە یاسا و رێنماییەکانى هاتووچۆ.
