بنكهی سهربازیی ئهمریكا له سنووری نێوان ئوردن و سوریا _ وێنە: ئاژانسهكان
ئێران: دەستی ئێمەی تێدا نەبوو
لە بنکەکەی ئوردن 350 سەربازی پیادە و ئاسمانی ئەمریکی هەن
964+
ئەحمەد مستەفا
وەزارەتی دەرەوەی ئێران و نوێنەرایەتی ئەو وڵاتە لە نەتەوە یەکگرتووەکان رەتیدەکەنەوە، ئێران دەستی هەبووبێت لە هێرشەکەی ئوردن، کە بووە هۆی کوژرانی سێ سەربازی ئەمریکی و برینداربوونی 34 سەربازی دیکە.
ئەوە لە کاتێکدا بە قسەی وەزارەتی بەرگری ئەمریکا بێت، ئەو بنکەی هێرشی کرایەسەر نزیکەی 350 سەربازی پیادە و هێزی ئاسمانی تێدایە.
پاش هێرشەکە، رۆژنامەکانی ئێران، لێدوانێکی ناسر کەنعانی، وتەبێژی وەزارەتی دەرەوەی ئێرانیان بڵاوکردەوە، ئەو تۆمەتانەی رەتکردەوە کە دەخرێتە پاڵ وڵاتەکە، وتویەتی، “ئامانجی سیاسییان هەیە و بۆ شێواندنی راستییەکانە”.
هاوکات، نوێنەرایەتیى کۆمارى ئێران لە نەتەوەیەکگرتووکان لە بڵاوکراوەیەکدا دەڵێت، “ئێران هیچ پەیوەندییەکى بەو هێرشەى شەوى رابردوو نییە، کە کرایە سەر بنکەیەکى سەربازیى ئەمریکا لەسەر سنوورى ئوردن و سوریا”.
بە قسەی وەزارەتی بەرگری ئەمریکا بێت، ژمارەی سەربازە بریندارەکانیان بەهۆی هێرشەکەی ئوردن بۆ 34 سەرباز بەرزبووەتەوە، کە هەشت سەربازیان بەهۆى سەختی برینەکانیان رەوانەى نەخۆشخانەکانى دەرەوەى ئوردن کراون.
شارهزایهكی سهربازی: هێرشهكهی ئوردن به فهرمانی ئێران بووه
