راکێشانی ئاوەکەی کەنی زەرد بە هۆی بێ پارەیی وەستا

964+
ئەحمەد مستەفا

پڕۆژەی راکێشانی ئاو بۆ گەڕەکی کەنی زەرد لە قەزای سەیدسادق پاش تەواوکردنی بەشێکی پڕۆژەکە، کارکردن تێیدا وەستا، بە قسەی لایەنە ئیدارییەکان بێت پارەی نەختینەیان لە بەردەستدا نییە.

ئەو ئاوە رابکێشرێ، نزیکەی هەزار ماڵ سوودی لێ دەبینن.

سەیدسادق 10 ملیۆن دیناری بۆ چاکسازی لە مەنهۆڵەکان خەرجکردووە

لە 26.10.2023وە کارکردن لە پڕۆژەکەدا لەلایەن کۆمپانیایەکی کەرتی تایبەتەوە دەستیپێکردووە، حەمزە محەمەد، سەرۆکی شارەوانیی سەیدسادق بە 964ی وت، درێژیی پڕۆژەکە، نۆ هەزار مەترە و دوای تەواوکردنی سێ هەزار مەتری بەهۆی دابیننەکردنی بودجە بۆی، کارکردن تێیدا راگیراوە.

بە قسەی ئەوان بێت بودجەی پڕۆژەکە زیاتر لە 407 ملیۆن دینارە، کە لەسەر بودجەی پەرەپێدانی پارێزگاکان بۆی دابینکراوە، داوایانکردووە لە بانکەوە پارەی نەختینە بۆ پڕۆژەکە دابین بکرێت، بە جێبەجێکردنی پرۆژەکەش نزیکەی هەزار ماڵی گەڕەکی کەنی زەرد ئاوی خواردنەوەیان پێ دەگات.

خێرخوازان رێگای ناو گۆڕستانی سەیدسادق تێکەڵەڕێژ دەکەن