نوێنەری دانیشتووانی گوندی تۆپزاوە دەستبەسەرکرا

964+

کاروان ساڵحی – کەرکوک

لەسەر سکاڵای فیرقەی 11ـەی سوپای عێراقی ساتع ناسیح نوێنەری گوندی تۆپزاوا دەستبەسەر کراوە، بە بیانووی سووکایەتیکردن و هاندانی دانیشتووانی گوندەکە بۆ گردبوونەوە و خۆپیشاندان لەناو سەربازگەی تۆپزاوە.

سەرچاوەیەکی ئەمنی تایبەت بە 964ـی وت، لەسەر سکاڵای فیرقەی 11ـەی سوپای عێراق و بانگهێشتکردنی لەلایەن بنکەی پۆلیسی یایچیەوە، ئەو نوێنەرەی خۆپیشاندانەکانی گوندی تۆپزاوا سەردانی بنکەی ناوبراوی کردووە و لەوێ دەست بەسەرکراوە.

پارێزەر نەوزاد ستار بە 964ـی وت، دوو سکاڵا لەسەر ناوبراو تۆمار کراوە، یەکێکیان مادەی 229ـیە کە تایبەتە بە سووکایەتیکردن بە فەرمانبەری دەوڵەت لە کاتی ئەرکدا و هەروەها 210  تایبەتە بە هاندان بۆ گردبوونە و خۆپیشاندان.

وتیشی، بڕیارە سبەینی دووشەممە، بە کەفالەت ئازاد بکرێت و هەرخۆی نا، بەڵکو جوتیارێکی ئەو گوندە لەگەڵ ساتع ناسیح دەستبەسەرکراوە.

پێداچوونەوە: توانا نەقی

سوپای عێراق دیواری کۆنکرێتی لە سەربازگەی گوندی تۆپزاوا دانا