قفڵ و زنجیر لە دەرگای یەکێک لە شوێنە داخراوەکان دەدرێت. فۆتۆ: تەندروستی هەولێر.
دوو شوێنی تاتۆی لەگەڵ بوو
لە هەولێر 10 سەنتەری مەساج داخران
964+
ژووری هەواڵ
لە هەولێر 10 سەنتەری مەساج و دوو شوێنی تاتۆکردن داخران، بەڕێوەبەرایەتی تەندروستی پارێزگاکە دەڵێت، پابەند نەبوون بە رێنماییە تەندروستییەکان.
ئەمڕۆ پێنجشەممە 21.12.2023، نەبەز عەبدولحەمید، قایمقامیی هەولێر بە 964ـی وت، ئەو 12 شوێنە لە عەنکاوەن، بە فەرمانی وەزارەتی تەندروستی، لەلایەن بەڕێوەبەرایەتی کاروباری پاراستنی تەندروستی هەولێر بە هەماهەنگی قایمقامیەتی قەزای عەنکاوە داخراون و رێکاری یاسایی دەگیرێتە بەر بەرامبەر بە خاوەنەکانیان.
پێشتریش لە مانگی هەشتی ئەمساڵ، لە هەڵمەتێکی تیمەکانی قایمقامیەتی هەولێر، نۆ کەس دەستگیرکران و ژمارەیەک شوێنی مەساج و کافتریاش داخران.
دەستگیرکراوەکان، حەوتیان ژن و دووانیان پیاو بوون، قایمقامی هەولێر وتی، لەسەر سەرپێچی و کاری نەشیاو دەستگیرکراون.
