پیاوێکی تەمەن 64 ساڵ کوژرا

964+

هۆگرعەدنان – چەمچەماڵ

نیوەڕۆى ئەمڕۆ، لەشەری نێوان دوو هاوڵاتی لە ناحیەى تەکیە، بەهۆیەوە پیاوێکى تەمەن 64 ساڵ کوژرا.

بەپێى ئەو زانیارییانەى 964 لە زارى سەرچاوەیەکى ناو پۆلیسى چەمچەماڵ دەستیکەوتووە، بکوژ و کوژراو دراوسێ و خزمى یەکترن و روداوەکەش کاتژمێر 12:00ى نیوەڕۆى ئەمڕۆ روویداوە.

بەپێى زانیارییەکان، کوژراو پیاوێکى تەمەن 64 ساڵە و بکوژەکەش رایکردووە و تائیستا دەستگیر نەکراوە.

لاى خۆیەوە د.شەریف رەحیم، جێگری بەڕێوبەری تەندروستی چەمچەماڵ بە964وت، “کوژراو ئاسەوارى گولـلە بەسەر جەستەوەیەتى و پێش ئەوەى بگەیەنرێتە نەخۆشخانە، گیانىلەدەستدابوو”.

لەئێستادا تەرمەکە رەوانەى پزیشکى دادى چەمچەماڵکراوە و دواى توێکارى رادەستى کەسوکارى دەکرێتەوە.

سەرچاوەکەى پۆلیسیش لەبارەى هۆکارى کێشەکەوە، بۆ 964 دەڵێت، “جارێ لەسەرەتاى لێکۆڵینەوەکاندان و ناتوانین هۆکارەکەى دیارى بکەین، بەڵام پێدەچێت کێشەى کۆمەڵایەتى لە نێوانیاندا هەبوبێت”.

پێداچونەوە؛ وریا فەتاح