964+
تا یەکشەممە مۆڵەتیان هەیە
داوایەک لە وارسی شەهیدان دەکرێت
964+
شاخەوان عومەر
ئاگادارییەک بۆ وارسی شەهیدان بڵاوکراوەتەوە، پێویستە هەرچی زووە خۆیان بگەیەننە بەڕێوەبەرایەتی گشتی شەهیدان و ئەنفالکراوان لە گەڕەکی ئازادی هەولێر.
داواکاریەکە تایبەتە بە دەرهێنانی کۆدی بایۆمەتری بۆ کەسوکار و وارسی شەهیدان، داوا دەکرێت تا رۆژی یەکشەممەی داهاتوو 26.11.2023، ناسنامەی شەهیدان یان کارتی نیشتیمانیان بهێننە بەڕێوەبەرایەتی گشتی شەهیدان لە گەڕەکی ئازادی لە هەولێر.
داماو محەمەد، بەرێوەبەری گشتی شەهیدان و ئەنفالکراوەکان بە 964ـی راگەیاند، ئاگادارییەکە بۆ پێنج هەزار کەسە و داواکاریەکە تەنیا بۆ دروستکردنی کۆدی بایومەتریە.
داواکاریەکەش ئەو کەسانە دەگرێتەوە کە وارسی شەهیدانن و لە سنوری دەوروبەری هەولێر، کەسنەزان و بنەسڵاوە و قوشتەپەو دارەتووە نیشتەجێن.
هەر لە داواکاریەکەدا ناوی شاوێس و بەستۆڕەش هاتوە. بۆ پیرمام و شەقڵاوە و حەریر و بەحرکەشە بەهەمان شێوە داوایان لێکراوە ئەو پێداویستیانە بهێنن.
