بارهەڵگرەکان بۆ هاوڵاتیانی خەلەکان بوون بە کێشە

964+

بەرزان عوسمان – دوکان

تەسکیی شەقامەکەی خەلەکان و زۆریی بارهەڵگر لەو رێگایە بووەتە هۆی بێزاریی دانیشتووانی خەلەکان، شارەوانییەکەی دەڵێت بە دووسایدکردنی ئەو کێشەیە نامێنێت.

سەرباز عەزیز، یەکێک لە دوکاندارەکانی سەر شەقامە گشتییەکەی خەلەکانە و بە 964ـی وت، “بەهۆی بارهەڵگرەکان هیچ ئۆتۆمبێلێکی بچووک ناوەستێت و بازاڕمان کز بووە، هەروەها مەترسیی رووداوی هاتوچۆ زۆرە و بەهۆی دوکەڵەکەشیانەوە ژینگەی خەلەکان پیس بووە”.

ناحیەی خەلەکان لە رووی ئیدارییەوە سەر بە قەزای دوکانە لە پارێزگای سلێمانی و ژمارەی دانیشتووانەکەی نزیکەی 7000 هەزار کەس دەبێت.

ئارام عومەر، سەرۆکی شارەوانیی خەلەکان لە بارەی ئەو پرسەوە بۆ 964 وتی، “بۆ بەدوو سایدکردنی رێگای گشتیی ناوبازاڕی خەلەکان دەرخستەمان ئامادە کردووە و چەندین جار سەردانی وەزارەتی شارەوانی و ئەنجوومەنی وەزیرانمان کردووە بۆ جێبەجێکردنی کارەکانی ئەو پڕۆژەیە و لە هەوڵی بەردەوامداین”.

وتیشی، “بوودجەی جێبەجێکردنی پڕۆژەکە بریتییە لە زیاتر لە ملیارێک و پێنجسەد ملیۆن دولار و بە هۆی قەیرانی دارایی نەتواندراوە جێبەجێ بکرێت”.

خەلەکان داوا دەکات رێڕەوەکانی ئاو پاک رابگیرێن

پێداچوونەوە: پێشەوا محەمەد