![ئۆكرانیەكان لە كوردستان نینۆك بۆ ژنانی كورد دادەنێن](https://ku.964media.com/storage/2022/12/4844a323-fa7d-4719-8399-ce17408ed1e3-1024x768.jpg)
فۆتۆ: 964+
ئۆكرانیەكان لە كوردستان نینۆك بۆ ژنانی كورد دادەنێن
+964
رێژوان مامە قادر – سلێمانی
وێنە و ڤیدیۆ
بەشێكی زۆر لە خانمانی كوردستان گرنگی بە جوانكاری نینۆك دەدەن و وەستا ئۆكرانیەكان لە كوردستان بەگرانترین نرخ نینۆك چاك دەكەن
باخان عەلی ٣٢ ساڵ،چوار ساڵە کاری نینۆکدانان دەکات و دوو سەنتەری تایبەت بەنینۆكی هەیە دەڵێت،”كچان لە كوردستان زۆر حەز لە دانانی نینۆك دەكەن بۆ ئاهەنگ و خۆشیەكان نینۆكی درێژ دادەنێن و بەشێك نینۆكی كوردت دادەنێن و بەشێكیش تەنها نینۆكی خۆیان جواندەكەن.
دوو جۆر ماددە هەیە بۆ دروستكردنی نینۆك پێی دەڵێن جێڵ و ئەكرلیكو ئێستا خواست لەسەر جێڵ زیاترە لەبەر ئەوەی مامەڵەكردن لەگەڵیدا ئاسانترە، بەڵام نرخەكەی زیاترە
نرخی دانانی نینۆكی سادە لە لای وەستاكانی كوردستان بە٦٠ هەزار دینارە و تا ١٠٠ هەزار دینارە.
باخان دەڵێت؛ نرخەکان لای ئێمە بە سادەیی بە ٦٠ هەزار دینارە و بە دیزاینیشەوە دەچێتە ١٠٠ هەزار دینارە
دانانی نینۆك بۆ یەك كەس نزیكەی دوو كاتژمێری پێدەچێت
وەستا ئۆكرانیەكان لە هەرێمی كوردستان كە كاری دانانی نینۆك دەكەن بە كاتێكی كەمتر دەیكەن و نرخەكەشی دوو بەرامبەری وەستای خۆمانەیە و كەمترین نرخیان ١١٠ هەزار دینارە و تا ٢٠٠ هەزار دیناریش دەڕوات.
زۆربەی ئەو پێداویستیانەی كە بۆ چاككردنی نینۆك بەكاریان دەهێنن چینی و ئۆكرانی و هۆڵەندی و ئەڵمانین.