دیمهنێك له مهڕاسیمى رادهستكردنهوهى زهویه پاككراوهكان به خاوه‌نه‌كانیان ... وێنه: راگهیاندنى ناحیه‌ى شوان
زیاتر له 900 هه‌زار مه‌تر دووجایه
15 كێڵگه‌ی مین به پاككراوه‌یی راده‌ستى جوتیارانى ناحیه‌ى شوان كرایه‌وه
964+
فه‌رهاد حه‌سه‌ن
ده‌زگاى كاروبارى مین له هه‌رێمی كوردستان 15 كێڵگه مینى به پاككراوه‌یی راده‌ستى خاوه‌نه‌كانیان له سنوورى ناحیه‌ى شوان كرده‌وه و ده‌شڵێن، رووبه‌رى كێڵگه‌كان زیاتر له 900 هه‌زار مه‌تره.
مەراسیمی رادەستکردنەوەكه لە کۆمەڵگای خاڵخاڵانی ناحیەی شوانى سه‌ر به قه‌زاى چه‌مچه‌ماڵ به‌ڕێوه‌چوو، تێیدا ستافى ده‌زگاى MAG و ده‌زگاى گشتى كاروبارى مین و خاوه‌نه‌كانیان ئاماده‌بوون.
15 كێڵگه مینه‌كه له 15 پارچه زه‌وى جیاواز پێكهاتبوون، مین و ته‌قه‌مه‌نى پاشماوه‌كانى جه‌نگیان تێدابووه.
عه‌لى میران، به‌ڕێوه‌به‌رى گشتیى ته‌كنیكى له ده‌زگاى گشتى كاروبارى مین بۆ 964 ئاشكراى كرد، رووبه‌رى ته‌واوى زه‌وى ئه‌و كێڵگه مینانه 933 هه‌زار و 700 مه‌تر دووجا بووه.
وتیشی “258 مین و ته‌قه‌مه‌نى جیاجیا له ناو ئه‌و كێڵگانه‌دا بوونه و له‌لایه‌ن تیمه‌كانمان پاككراونه‌ته‌وه”.
ئاماژه‌ى به‌وه‌شكرد، كێڵگه مینه‌كان دواى پاككردنه‌وه‌یان له‌لایه‌ن خاوه‌نه‌كانیانه‌وه بۆ كارى كشتوكاڵى و ئاژه‌ڵدارى به‌كار ده‌هێندرێنه‌وه.
پاكبوونه‌وه‌ى ناحیه‌ى سه‌رقه‌ڵا له مین و ته‌قه‌مه‌نى راگه‌یه‌ندرا
