دیمەنی دەستبەسەرداگرتنی تۆڕی ماسی گرتن لە دەریاچەی دێوانە.وێنە. پۆلیسی دارستان و ژینگەی سلێمانی
هۆکار چییە؟
لە بەنداوی دێوانە تا دوو ساڵی دیکە کەس بەتەمای راوە ماسی نەبێت
964+
توانا نەقی
راوکردنی ماسی لە دەریاچەی دێوانە لە دەربەندیخان بە بڕیاری ئیدارەی قەزاکە بۆ ماوەی دووساڵ قەدەغەیە و بڕیارەکە هێشتا واینەکردووە راوچییەکان نەچنە ئەو شوێنە بۆ راوکردن.
ئەمڕۆ چوار شەممە، پۆلیسی دارستان و ژینگەی سلێمانی بڵاویکردوەوە، چەندین پەنجە ماسی خراوەتە ناو دەریاچەی دێوانەوە لە پێناو پاراستنیان بۆ ماوەی دوو ساڵ راوکردن قەدەغە کراوە و دوای ئەوە ئاسایی دەبێتەوە.
ئەو قەدەغە کردنە رێگر نەبووە لە راوچییەکان، بەڵام ئەم جارە خۆیان کەوتنە داوی مەفرەزەکانی پۆلیسەوە و کەرەسەتەکانیشیان گیران.
سەرباری قەدەغەکردنەکە مەفرەزەکانی پۆلیسی دارستان و ژینگەی دەربەندیخان لە دەریاچەکە دەستیان گرتووە بەسەر هەشت تۆڕی ماسی گرتن، یەک چوپ و دوو سەوڵ، 72 ماسی کە بە تۆڕەکەوەبووە بە زیندووی خراوەتەوە ناو دەریاچەکە و ئازاد کران.
بەنداوی دێوانە دەکەوێتە باشوری دەربەندیخان و 42 مەتر بەرزە و 260 مەتر پانە و زیاتر لە دوو ساڵە تەواو بووە.
