وێنەی دوو دەستگیر کراوەکە. فۆتۆ: دژەتیرۆری سلێمانی
خەڵکی موسڵن
دوو کەس بەتۆمەتی تیرۆر لە چەمچەماڵ دەستگیر کران
964+
ژووری هەواڵ
هێزەکانی بەڕێوەبەرایەتی گشتیی دژەتیرۆر و هێزەکانی دەزگای دژەتیرۆری عێراق ئۆپەراسیۆنێکیان لە سنووری چەمچەماڵ ئەنجام دا.
لە ئۆپەراسیۆنەکەدا دوو کەس بە تۆمەتی “تیرۆر” دەستگیر کراون کە لەلایەن دادگاکانی عێراقەوە داواکراون.
بە پێی راگەیەندراوێکی دژەتیرۆری سلێمانی کە ئەمڕۆ 31.10.2023 بڵاویکردووەتەوە، داواکراوەکان هەردووکیان خەڵکی موسڵن و یەکێکیان تەمەنی 21 ساڵە و ئەوەی دیکەشیان تەمەنی 29 ساڵە.
دەستگیر کراوەکان بە مادەی 4ـی تیرۆر لەلایەن دادگاکانی عێراقەوە داواکرابوون و رادەستی یاسا کراون بە مەبەستی سزادانیان، دژەتیرۆری سلێمانی وا دەڵێت.
