چاکسازی لە کارەبای 70 گوندی قەزای ماوەتدا کراوە

پێشەوا محەمەد

لەگەڵ نزیکبوونەوەی وەرزی بارانبارین کارەبای قەزای ماوەت چاکسازی لە کارەبای 70 گونددا کۆتایی پێهێناوە.

ساڵانی پێشتر ئەو چاکسازییە دوادەکەوت و ئەوەش دەبووە هۆی بڕانی کارەبا و دروستبوونی شۆرتی زۆر.

کامەران حەسەن، قایمقامی قەزای ماوەت بە 964ـی وت، “ئەمساڵ زووتر دەست بە چاکسازیکردنی لە فیدەر و عامود و تێلی کارەبادا کرا و سەرجەمیان چاک کراونەتەوە”.

وتیشی، “لە هەندێ شوێن دار هەڵپاچراون کە چووبوونە ناو تەلی کارەباکانەوە و ساڵانی رابردوو کێشەی زۆری شۆرتیان دروست دەکرد”.

قەزای ماوەت کەوتووەتە سنووری پارێزگای سلێمانییەوە و 70 گوندی لەسەرە.