شەقامی ٣٠ مەتری لە تەیراوە بۆ ماوەیەکی نادیار دادەخرێت
+964
بەشی کوردی
بە مەبەستی دروستکردنی ئاوەڕۆی سندوقی، شەقامی ٣٠ مەتری لە چوارڕیانی کوردو عەرەب تاوەکو گازینۆ عەنتەر دادەخرێت.
فازڵ حاجی، وتەبێژی هاتوچۆی هەولێر، سەرجەم شوفێران وهاوڵاتیانی هەولێر ئاگادار دەکاتەوە کەوا شەقامی ٣٠ـی مەتری لە چوارڕیانی کوردوعەرەب تاوەکو چوارڕیانی گازینۆ عەنتەر، بەمەبەستی کارکردن لە دروستکردنی ئاوەڕۆی سندوقی لەشەقامەکەدا بۆ ماوەیەکی نادیار دادەخرێت.
فازڵ حاجی، لە ئەکاونتی تایبەتی خۆی لە تۆڕی کۆمەڵایەتی فەیسبووک ئاگادارینامەکەی هاتوچۆی هەولێری بڵاوکردۆتەوەو دەڵێ؛ لەماوەی داخستنەکەدا شوفێران دەتوانن شەقامی ٦٠ مەتری ٢٠ مەتری وەکو شەقامی جێگرەوە بەکار بێنن.