بارهەڵگرێکی پڕ گەنمی جوتیاران لە بەردەم سایلۆی هەولێر - وێنە: 964
زیاتر لە 167 ملیار دینارە
دواین بڕەپارەی جوتیاران گەیشتە هەرێم
964+
توانا نەقی
دواین بڕە چەکی شایستەی دارایی جوتیاران گەیشتە هەرێمی کوردستان کە بڕەکەی 167 ملیار و 514 ملیۆن و 190 هەزار دینارە.
ئەمڕۆ دووشەممە، بەڕێوەبەری گشتی بازرگانی هەرێم رایگەیاند، دواین چەکی شایستە داراییەکانی جوتیاران بۆ ساڵی 2023 گەیشتە هەرێم و بەسەر جوتیاراندا دابەشدەکرێت.
پارەکەش بەم شێوەیە بەسەر پارێزگاکان دابەشکراوە:
سلێمانی، 77 ملیار و 374 ملیۆن دینار.
هەولێر، 51 ملیار و 186 ملیۆن و 681 هەزار دینار.
دهۆک، 38 ملیار و 963 ملیۆن و 509 هەزار دینار.
وەزارەتی بازرگانی دەڵێت، دوای ئەوەی رێکارە کارگێڕی و داراییەکان تەواو بوون دەست بەدابەشکردنی چەکی بانکی دەکرێت لە رێگای سایلۆکان بە پێی رۆژی رادەستکردنی گەنمی جوتیاران بە سایلۆکان دەبێت.
