دەریاچەی دوکان میوانداریی یانەکانی عێراق دەکات. فۆتۆ: سۆشیال میدیا
دەریاچەی دوکان پاڵەوانیەتیی مەلەوانی عێراق لە ئامێز دەگرێت
+964
یادگار محەمەد – سلێمانی
لە دەریاچەی دوکان پاڵەوانیەتیی مەلەوانیی یانەکانی عێراق بەڕێوەدەچێت.
بڕیارە رۆژی هەینی 22. 9. 2023 و بەسەرپەرشتی فیدراسیۆنی مەلەوانیی عێراق و بە هاوکاری لقی سلێمانی، لە دەریاچەی دوکان پاڵەوانیەتیی مەلەوانی بۆ یانەکانی عێراق لەسەر ئاستی تازەپێگەیشتوان و لاوان و پێشکەوتوانی کوڕان بەڕێوە بچێت.
محەمەد مستەفا ئەندامی فیدراسیۆنی مەلەوانیی عێراق بە 964ـی وت، پاڵەوانیەتییەکە لە دەریاچەی دوکان ئەنجام دەدر‌ێت.
وتیشی، لەسەر هەبوونی بناغەیەکی بەهێزی مەلەوانی پێشبینی دەکەن پاڵەوانیەتییەکی بەهێز بێت و لە ئاستی بەرز رکابەری دەکرێت.
964 دەزانێت ماوەی پاڵەوانیەتییەکە بۆ ئاستی پێشکەوتووان 10 کیلۆمەترە و بۆ لاوان حەوت کیلۆمەتر، هەروەها بۆ تازەپێگەیشتووانیش پێنج کیلۆمەترە، کە ئێستا 10 یانە ئامادەی خۆیان پیشانداوە بەشداریی بکەن، لەوانەش پێنج یانەیان لە هەرێمی کوردستانن و پێنج یانەش لە ناوەڕاست و باشووری عێراقن.
فێرگەی مەلەوانی سلێمانی دەیەوێت پاڵەوان پێبگەیەنێت
پێداچوونەوە: ئەرسەلان عەبدوڵا