پرۆژەیەکی ئاو وێنە: 964
وەزارەتی شارەوانی دەڵێت:
550 ملیار دینار ساڵانە تێچووی ئاوی خواردنەوەیە لە هەرێم
964+
توانا نەقی
ساڵانە لە هەرێمی کوردستان 550 ملیار دینار تێچووی دابینکردنی ئاوی خواردنەوەیە لە هەرێم و رۆژانە نزیکەی سێ ملیۆن مەتر سێجا ئاوی خواردنەوە بەرهەم دەهێنرێت.
ئەمڕۆ چوارشەممە، وەزارەتی شارەوانی هەرێم بڵاویکردەوە، بە شێوەیەکی گشتی رۆژانە دوو ملیۆن و 784 هەزار و 606 مەتر سێجا ئاوی خواردنەوە بەرهەمدەهێنرێت بۆ هاوڵاتیان.
دەشڵێت، 81 پرۆژەی ئاوی خواردنەوە لەسەر رووبارەکان هەیە، هەروەها زیاتر لە 5787 بیری ئاویش هەیە.
وەزارەتی شارەوانی لەگەڵ راگەیاندنی ئەو ئامارانەدا ئاماژەی بەوەشکردوو، بەمەبەستی پاراستنی ئاوی ژێر زەوی و بایەخدان بە پرۆژەکانی ئاوی سەرزەوی بە پلان کاردەکەن بۆ کەمکردنەوەی ژمارەی بیرەکان و بایەخ بە پرۆژە گەورەکان دەدەن.
رۆژانە لە رێگەی تانکەرەوە سەدان هەزار لیتر ئاوی خواردنەوە بۆ ماڵانی ناوچە دوورەدەستەکان و گوندەکان دابیندەکرێت.
بۆیە بەو کارانە و دابینکردنی ئاو و دانانی پلان و بەرهەم هێنانەوە ساڵانە زیاتر لە 550 ملیار دینار تێچوو لەسەر حکومەتی هەرێم دەکەوێت، وەزارەتی شارەوانی وا بڵاویکردووەتەوە.