پۆلیسی فیدراڵی لە گوندەکانی دەوروبەری ناحیەی ریاز لە قەزای حەویجەی کەرکوک، 964+
لە تەقینەوەیەکدا لە کەرکوک نۆ پۆلیسی فیدراڵی کوژران
964+
کاروان ساڵح – کەرکوک
پەیامنێری 964+ رایگەیاند، سەرلەبەیانی ئەمڕۆ، لە نێوان دوو گوندی ناحیەی ریازی سەر بە قەزای حەویجە لە پارێزگای کەرکوک، بۆمبی چێندراو بە کاروانێکی هێزەکانی پۆلیسی فیدراڵی عێراق تەقیوەتەوە و لە ئاکامدا، نۆ پۆلیس کوژراون و دووانی دیکە بە سەختی بریندار بوون.
سەرچاوەیەكی ئەمنی لە پۆلیسی فیدراڵی كە نەیویست ئاماژە بە ناوەكەی بكرێت تایبەت بە 964+ وتی، یەکێک لە کوژراوەکان پلەی رائیدە، رووداوەکە لە نێوان گوندەکانی سەفرە و شەلالات روویداوە.
بە قسەی ئەو سەرچاوەیە، لە پاش تەقینەوەکە، روبەڕوبوونەوەی چەکداریی لەنێوان هێزەکانی پۆلیسی فیدراڵی و ژمارەیەک چەکداری نەناسراو روویداوە، گوایە چەند چەکدارێکیان لێ کوژراوە.
لە ئێستادا، هێزە ئەمنییەکان دەستیان کردووە بە کێوماڵکردنی ناوچەکە.