وێنەی بەشێک لە کەلوپەلەکانی نێو کارگەکە. فۆتۆ: تەندروستی چەمچەماڵ
کارگەیەکی دروستکردنی سەهۆڵ لەترسی کۆلێرا داخرا
964+
هاوبەش ئەبوبەکر
کارگەیەکی دروستکردنی سەهۆڵ لە چەمچەماڵ بەهۆی پابەند نەبوون بە رێنماییە تەندروستییەکان داخرا.
ئەمڕۆ دووشەممە 4.9.2023، فەرهاد محەمەد، بەڕێوەبەری تەندروستی چەمچەماڵ بە 964ـی راگەیاند، لەبەر مەترسی بڵاوبوونەوەی کۆلێرا و ئەو کارگەیە داخراوە.
“تاوەکو ئێستا رەوشی تەندروستی چەمچەماڵ لەرووی بڵاوبوونەوەی کۆلێراوە باش هاتووە، نامانەوێت ئەو رەوشە تێکبچێت”، فەرهاد محەمەد وای وت.
بەڕێوەبەرایەتی تەندروستی چەمچەماڵ وێنەی بەشێک لە کەلوپەل و ئامێرەکانی نێو کارگەکەی بڵاوکردووەتەوە، وەک دەردەکەوێت بەشێکیان ژەنگاوین و بە پاکوخاوێنی رانەگیراون.
بەپێی ئاماری بەڕێوەبەرایەتیی تەندروستی سلێمانی 10 حاڵەتی کۆلێرا دەستنیشان کراوە و لە گەرمیانیش حاڵەتەکانی تووشبوون بە کۆلێرا گەیشتە سێ کەس، سەرچاوە تەندروستییەکان دەڵێن، هۆکاری سەرەکی حاڵەتەکان ئاوی پیسە.