ژینگەپارێزێک لەکاتی کۆکردنەوەی خۆڵ و خاشاک لە ناوچە گەشتیارییەکانی هەڵەبجە، فۆتۆ: شارەوانی هەڵەبجە
گەشتیارانی هەڵەبجە 83 تۆن خاشاکیان لە پاش خۆیان جێهێشتووە
964+
هاوبەش ئەبوبەکر
ئەو 100 هەزار گەشتیارەی لە رۆژانی جەژنی قورباندا چوونەتە پارێزگای هەڵەبجە، زیاتر لە 83 تۆن خۆڵ و خاشاکیان لە پاش خۆیان جێهێشتووە.
ئەمڕۆ یەکشەممە 2.7.2023، شارەوانی هەڵەبجە لە فەیسبووک رایگەیاند، لە سێ رۆژی جەژندا لە تەوێڵە و بیارە و ئەحمەدئاوا، 83 تۆن خۆڵ و خاشاک کۆکراونەتەوە.
زۆرترین خۆڵ و خاشاک لە ئەحمەدئاوا فڕێدراوە و بڕەکەی گەیشتووەتە 41 تۆن، لە بیارە 20 تۆن و لە تەوێڵەش 22 تۆن خۆڵ و خاشاک کۆکراونەتەوە.
لە ماوەی چوار رۆژی جەژنی قورباندا، زیاتر لە 100 هەزار کەس سەردانی ناوچە گەشتیارییەکانی پارێزگای هەڵەبجەیان کردووە.
زیاتر لە 75 هەزار گەشتیار خەڵکی باشوور و ناوەڕاستی عێراق بوون و 25 هەزارەکەی دیکە خەڵکی ناوخۆی هەرێمی کوردستان بوون.