مامۆستا ئاینییە دەنگ خۆشەکەی هەولێر: مەولود بیدعە نییە و بەخۆتاندا بچنەوە

ئەحمەد شەمزین – هەولێر

دڵشاد گەڵاڵی، ئەو مامۆستا ئاینییەی بە دەنگە خۆشەکەی بۆ یادی مەولود دەنگی داوەتەوە رەتی دەکاتەوە مەولود بیدعە بێت و دەشڵێت، دەنگی خۆم پێ خۆش نییە و رکی لێ دەبێتەوە.

پەیامنێری 964 چووە لای مامۆستا و لە هۆکاری ئەو دەنگە خۆشەی پرسی و لە وەڵامدا وتی، “ئەو دەنگە خۆشە لای خوای گەورەوە هاتیە و دەنگی خۆشم پێ خۆش نییە و رکم لێی دەبێتەوە، هەندێک دەڵێن دەنگم هی خۆم نییە، ئەدی هی خۆم نییە و هی کێیە، ئایا زیرەکی دەستکردە”.

مامۆستا دڵشاد گەڵاڵی هەندێک جار رووبەڕووی رەخنە و قسەی ناخۆش بووەتەوە و لەوبارەیەوە دەڵێت، “موسڵمان ئەو کەسانەن زمانیان سەلامەت بێت، پەروەردەیان خراپە و ئەگەر لەسەر پێغەمبەر جون بە من بدەن، شانازی دەکەم، چونکە من مەدحم کردووە و هیچی خراپم نەوتووە”.

پێداچوونەوە: پەری ساڵح