هێزێکی ئاسایشی ناوخۆی سوریا چوونە ناو حەسەکە

گەرناس مەعۆ – رۆژئاوای کوردستان

بەیانی ئەمڕۆ هێزێکی پۆلیسی ناوخۆ سەربە وەزارەتی بەرگری سوریا گەیطنە ناو سەنتەری پارێزگای حەسەکە لە رۆژئاوای کوردستان و کە پێکهاتوون لە چەندین ئۆتۆمبێل بە ئاڵای سوریاوە.

ئەم جوڵەیە لە چوارچێوەی بەردەوامبوونی جێبەجێکردنی رێککەوتنەکانی نێوان حکومەتی سوریا و هێزەکانی سووریای دیموکراتیکە بە تایبەتی لە بواری یەکخستنی هێزە سەربازی و ئەمنییەکان.

بەپێی زانیاریەکانی پەیامنێری 964 لە رۆژئاوا، هێزەکە لە نزیکەی 100 ئەندام و 15 ئۆتۆمبێل پێک دێت و لە ژمارەیەک شوێنی ناو شاردا بڵاوە بوونەتەوە، لەوانەش دەورووبەری بینای پارێزگای حەسەکە.

تا ئێستا هیچ زانیارییەک دەربارەی ڕوودانی پێکدادان یان شەڕ لەگەڵ هاتنی ئەم هێزەوە نییە و شاری حەسەکە لە دۆخێکی ئارامدایە.

ئەم گۆڕانکارییە لە چوارچێوەی هەنگاوە نوێکان بۆ رێکخستنەوەی دۆخی ئەمنی و سەربازی لە حەسەکە و جێبەجێکردنی رێککەوتنەکانی نێوان دیمەشق و هەسەدەدا دێت.

پێداچوونەوە: توانا نەقی