13 كەس گیانیان لەدەست دا و 5یش بریندار بوون

964+

ئەرسەلان عەبدوڵا

ژمارەی ئەو كەسانەی بەهۆی رووداوە هاتوچۆیە سەختەكەی نزیك فەللوجە گیانیان لەدەست دا، بۆ 13 كەس بەرزبووەوە و هەشت لەوانە ئەندامی هێزە سەربازییەكانن.

سەرچاوەیەكی پزیشكی لە فەلوجە بە 964ی راگەیاند، 13 كەس بەهۆی پێکدادانی چەند ئۆتۆمبێلێکەوە لەسەر رێگای نێودەوڵەتیی نێوان سەقڵاویە و ناوەندی شاری فەللوجەی سه‌ر به‌ پارێزگای ئه‌نبار گیانیان لەدەست دا، هەروەها 5 كەسی دیكەش بریندارن.

وتیشی، بەشی فریاکەوتنی نەخۆشخانەی فێرکاری فەللوجە زۆرینەی قوربانییەکانی وەرگرتووە، لەناویاندا هەشت تەرمی سووتاو لە ئەنجامی ئاگرکەوتنەوەیەک کە لەناو یەکێک لە ئۆتۆمبێلەکاندا کەوتووەتەوە.

سەرچاوەكە دەڵێت، سەرجەم کارمەندانی پزیشکی و پەرستاری لە نەخۆشخانەکە کۆکراونەتەوە بۆ چارەسەرکردنی بریندارەکان، هاوکات تەرمەکان گواستراونەتەوە بۆ بەشی پزیشکی دادوەری.

بەپێی زانیارییەكان هەشت لەوانەی گیانیان لەدەستداوە، سەربازن و سەر بە سوپای عێراقن و لە لیوای مغاویرن.