دۆڵی بالیسان
هەورەبروسکە هەشت پێشمەرگەی بریندار کرد
+964
ئاکام غەفور-سۆران
لە گوندی خەتێی دۆڵی بالیسان، هەورەبروسکە لە رەبایەکی پێشمەرگەی داوە، بەهۆیەوە هەشت پێشمەرگە بریندار بوون و سووتاون.
سەرچاوەیەک لە هێزی پێشمەرگەی ئەو سنوورە بۆ 964 قسەی کرد و وتی،”هەورەبروسکە دەوروبەری كاتژمێر حەوتی ئەم ئێوارەیە لە سەنگەری سەرباری خەتێی داوە، بەهۆیەوە هەشت پێشمەرگە بریندار بوون، شەشیان گواسترانەوە بۆ نەخۆشخانەکانی راپەڕین و یەکێک لە پێشمەرگەکان بەهۆی ئەوەی تەندروستی جێگیر نەبوو، گواسترایەوە بۆ سلێمانی”.
وەک ئەوەی سەرچاوەکە باسی دەکات، لەناو بریندارەکان دوو پێشمەرگە جەستەیان سووتاوە، دوو دانەی تریشیان لەگەڵ هەورەبروسکە دەست و قاچیان لەکار کەوتووە، چوار دانەی تریش لە ئەنجامی هەورە بروسکەکە بریندار بوون.
پێداچوونەوە: ئەرسەلان عەبدوڵا
