بارهەڵگرێک و ئۆتۆمبێلێک پێکیاندادا و شۆفێرێک گیانی لەدەستدا - وێنە؛ هاتوچۆی کۆیە
دوو کەسیش بریندارن
بارهەڵگرێک و ئۆتۆمبێلێک پێکیاندادا؛ شۆفێرێک گیانی لەدەستدا
شۆڕش قادری
لەسەر رێگای نێوان کۆیە – هەولێر بارهەڵگرێک و ئۆتۆمبێلێک پێکیاندادا و بەهۆیەوە شۆفێرێک گیانی لەدەستدا و دوو کەسی دیکەش برینداربوون.
بەپێی راگەیەنراوێکی بەڕێوەبەرایەتی هاتوچۆی کۆیە، لەسەر رێگای نێوان کۆیە – هەولێر و بەدیاریکراوی لەسەر رێگای سماقوڵی، رووداوێکی هاتوچۆ لە جۆری پێکدادان لە نێوان بارهەڵگرێک و ئۆتۆمبێلێکی تایبەت روویداوە.
ئاماژە بەوەشکراوە، لە دەرئەنجامی رووداوەکە، شۆفێری ئۆتۆمبێلە تایبەتەکە گیانی لەدەستداوە و دوو سەرنشینی هەمان ئۆتۆمبێلیش برینداربوون.
هاتوچۆی کۆیە داوا لە شۆفێران دەکات، پابەندی هێماکانی شەقام و رێنماییەکانی هاتوچۆ بن بۆ ئەوەی دووربن لە کارەساتی لەو شێوەیە.