کارمەندێکی پۆلیسی دارستان و ژینگەی هەڵەبجە سەرقاڵی کوژاندنەوەی ئاگرەکەیە. فۆتۆ: پۆلیسی دارستانی هەڵەبجە
ئاگرەکە لە خاکی ئێران بەردەوامە
ئاگرێک لەو دیوی سنووری ئێران کەوتووەتەوە و گەیشتووەتە خاکی هەرێم
964+
ژووری هەواڵ
ئاگرێکی فراوان لەسەر سنووری نێوان ئێران و هەرێمی کوردستان کەوتووەتەوە و پۆلیسی دارستان و ژینگەی هەوڵەبجە و بیارە چاودێری دەکەن تا نەهێڵن بگاتە خاکی خۆمان.
ئەمڕۆ پێنجشەممە 5.6.2025، بەڕێوەبەرایەتیی پۆلیسی دارستان و ژینگەی هەڵەبجە رایگەیاند، لە کاتژمێر 2:00ـی پاشنیوەڕۆ هاوڵاتییەک ئاگاداری کردوون کە ئاگر لە سنووری گوندی دەرەتوێ کەوتووەتەوە و ئەوانیش مەفرەزەیەکیان ناردووە.
“پاش هەوڵ و ماندووبونێکی زۆر توانیان ئاگرەکە تا سنووری خاکی ئێران کۆنتڕۆڵ بکەن”، پۆلیسی دارستان و ژینگەی هەڵەبجە وا دەڵێت.
ئاگرەکە لە خاکی ئێران بەردەوامە و کارمەندانی بنکەی بیارە چاوەڕێن، ئەگەر هاتەوە بۆ ئەم دیو دووبارە بیکوژێننەوە.
