لیژنەیەکی مۆلیدە ئەهلییەکان لە جۆزەی کارەبای ماڵان دەڕوانن _ وێنە: بۆ 964 نێردراوە و ئەرشیفە
لە چەمچەماڵ
بەبێ پرسی لیژنەکان کەس بۆی نیە جۆزری مۆلیدە بگۆڕێت
964+
توانا نەقی
خۆی کارەباکە مۆلیدەیە و هاوڵاتی و خاوەنی مۆلیدەش بیەوێت جۆزەکەی بگۆرێت دەبێت پرسی لیژنەی مۆلیدە ئەهلیەکان بکەن، ئەمە لە چەمچەماڵ و وایە و قایمقامیەتییش هۆشداری دەداتە خاونی مۆلیدەکان.
لە راگەیندراوێکدا قایمقامیەتی قەزای چەمچەماڵ دەڵێت، ئاگاداری سەرجەم خاوەنی مۆلیدەکان و هاوڵاتیانی سنورەکەمان دەکەینەوە کە هیچ خاوەنی مۆلیدەیەک بەبێ ئاگاداری لیژنەی مۆلیدەئەهیلەکان ناتوانێت جۆزەی ماڵان بگۆڕێت.
دەشڵێت، کاتی هەبوونی گومان لە هەر جۆزەیەک دەبێت بە ئاگاداری و ئامادەبوونی لیژنەکە بگۆڕدرێت و ئەویش دوای پشکنین بۆ جۆزەکە کە ئایا کێشەی تێدایە یان نا.
کامەران عەبدولرەحمان سەرۆکی لیژنەی مۆلیدە ئەهیلەیەکانی چەمچەماڵ بە 964ـی وت، ئەم بڕیارەیان لە بەرژەوەندی هەردولا واتە خاوەنی مۆلیدە و هاوڵاتیش داوە بۆ ئەوەی کەس غەدری لێ نەکرێت و هەرلە خۆیانەوە جۆزە بگۆڕن.
وتیشی، جاری وەها هەیە جۆزەکە کۆن بووە و لە بری سێ ئەمپێر نۆ ئەمپێر دەخوێنێتەوە ئەمەش هەقی خاوەن مۆلیدەیە کە بە هاوڵاتی بگۆڕێت، بەڵام جاری واش هەیە جۆزەکە عەیبی نییە و بەزۆر پارە بە هاوڵاتی خەرج دەکان و پێیان دەگۆڕن بۆیە بڕیاریان داوە ئەو پرۆسەیە لە ژێر چاودێری ئەماندا بێت و خۆیان پێویست بکات بۆیان دەگۆڕن.
