یارییەكە لە دهۆكە
ئەمڕۆ یانەی دهۆک بەرەو نازناوێكی عەرەبی هەنگاو دەنێت
964+
ئەرسەلان عەبدوڵا
لە یاریی كردنەوەی پاڵەوانیەتیی یانەكانی كەنداو لە تۆپی پێ، ئەم ئێوارەیە یانەی دهۆک لە یەكەم یاریدا میوانداریی یانەی ئەهلیی سەنعای یەمەنی دەكات.
ئەم ئێوارەیە لە دهۆك هەڵایە و یارییەكی گرنك هەیە، كاتێك یانەی دهۆک لە یەكەم یاریی پاڵەوانیەتیی یانەكانی كەنداو، میوانداریی یانەی ئەهلیی سەنعای یەمەنی دەكات.
یارییەكە كاتژمێر 08:00 دەستپێدەكات و چاوەڕوان دەكرێت هاندەرانی دهۆک یاریگە پڕ بكەن.
ئەمە یەكەم یاریی دهۆكە لە پاڵەوانیەتییەكە، كە بە بەشداریی هەشت یانە بەڕێوەدەچێت و بەسەر دوو كۆمەڵە دابەش كراون.
یانەی دهۆک لە كۆمەڵەی یەكەمە لە تەك ئەهلی سەنعای یەمەنی، نەسڕی ئیماراتی و زەففاری عومانی، كۆمەڵەی دووەمیش یانەكانی عەرەبی قەتەڕی، ئیتفاقی سعودی، ریفاعی بەحرێنی و قادسیەی كوێتی لەخۆدەگرێت، كە كۆمەڵەیەكی زۆر بەهێزە.
یانەی دهۆک دوێنێ ئێوارە دوایەكەی مەشقی خۆی ئەنجامدا و خۆی بۆ یارییەكە ئامادە كردووە.
هەروەها یاریگەی دهۆک بۆ یارییەكە ئامادە كراوە و كێشەكانی ناو لاكێشەی سەوزی چارەسەركراون.