وێنەی فۆرمی سەرژمێری لە عێراق بڵاوكرایەوە

964+

ئەرسەلان عەبدوڵا

رۆژنامەی سەباح، كە رۆژنامەی فەرمیی حكومەتی عێراقە، وێنەی فۆرمی سەرژمێری بڵاوكردەوە، كە بڕیارە مانگی داهاتوو لە هەموو عێراق و هەرێمی كوردستان ئەنجام بدرێت.

پرۆسەی گەمارۆسازی و ژمارەدانان لە سەرژمێری كوردستان دەستیپێكرد

رۆژنامەكە ئەمڕۆ چوارشەممە 9.10.2024 كۆپییەكی لە فۆڕمی سەرژمێریی دانیشتووان و شوێنەكان بڵاوكردەوە، كە بڕیارە لە 20 و 21ی مانگی داهاتوو لە عێراق و هەرێمی كوردستان بەڕێوەبچێت.

فۆڕمەكە لە 11 لاپەڕە پێكدێت و تێیدا داوای سەرجەم زانیارییەكان لە بارەی هاوڵاتی، كار، پەروەردە و خوێندن، شوێنی نیشتەجێبوون، تەلەفۆن و كۆمپیوتەر و موڵك و ماڵ و زۆر شت دەكات.

بڕیارە 20.11.2024 سەرژمێریی گشتیی لە هەموو عێراق و هەرێمی كوردستان بەڕێوەبچێ، كە دوو رۆژ دەخایەنێت و ماوەیەكی زۆریشە پرۆسەی ئەزموونی كارەكە و گەمارۆسازی و ژمارەدانان دەستیپێكردووە.

27   ساڵە لە عێراقدا پڕۆسەى سەرژمێرى ئەنجام نەدراوە و دواینجار پڕۆسەى سەرژمێرى ساڵى 1997 بوو کە ئەوکات دانیشتووانى عێراق، بەبێ هەرێم 19 ملیۆن و 184 هەزار 543 کەس بوو.
یەکەم سەرژمێری گشتیى لە عێراق ساڵی 1934 ئەنجامدرا، ئەوکات ژمارەی دانیشتووانەکەی سێ ملیۆن و 380 هەزار کەس بوو.