دیمەنی ئەو ئۆتۆمبێلەی کە وەرگەڕاوە. وێنە: 964
لە رێگای کۆیە - سلێمانی
بەهۆی رووداوێکی هاتوچۆوە کەسێک گیانی لەدەست دا
964+
گۆڤەند فتاح – کۆیە
ئەمشەوی سێشەممە، لە رووداوێکی هاتوچۆدا لە رێگای کۆیە – سلێمانی، ئۆتۆمبێلێکی جۆری نیسان تیدا، بەهۆی خێراییەوە کۆنتڕۆڵی لەدەستدا و وەرگەڕا، لە ئەنجامدا کەسێک گیانی لەدەست دا و کەسێکی تریش بە سەختی بریندار بوو.
نەشئەت ئەحمەد، یاریدەدەری پزیشکی لە بەشی فریاکەوتنی نەخۆشخانەی شەهید دکتۆر خالید بە 964ی وت، رووداوەکە کەمێک پێش ئێستا روویداوە و دوو لە سەرنشینانی ئۆتۆمبێلەکە گەیەنراونەتە نەخۆشخانەکەمان بەهۆی سەختی برینەکەی یەکێکیان گیانی لەدەستداوە و سەرنشینەکەی دیکەش بە سەختی بریندارە.
964زانیوویەتی هەردوو سەرنشینەکە هاوسەری یەک بوون، پیاوەکە کە شۆفێر بووە گیانی لە دەستداوە، بە هۆی خێرایی و لە دەستدانی کۆنتڕۆل ئۆتۆمبێلەکەیان وەرگەڕاون و رووداوەکە روویداوە.
پێداچوونەوە: ژێوار خدر
