سێ کەس بریندارن
پیک ئەپێک دوو رووداوى هاتوچۆى دروستکرد
964+
دیلان محەمەد جەزا_ سلێمانى
پێچى نایاسایى پیک ئەپێک، دوو رووداوى هاتوچۆى لێکەوتەوە و بەهۆیەوە سێ کەس بریندار بوون.
عومەر عەلی بەڕێوەبەری هاتوچۆی چەمچەماڵ بە 964ـى وت، ئێوارەی ئەمڕۆ هەینى، لەسەر رێگای تەکیە – چەمچەماڵ، ئۆتۆمبێلێکی جۆری پیک ئەپ ویستویەتی پێچی نایاسایى بکاتەوە ئۆتۆمبێلێکی تایبەت خۆی پێدا کێشاوە و لە ئەنجامدا هاوڵاتیەک بریندار بووە.
باسی لەوەکرد، دوای روودانی ئەو روداوە ئۆتۆمبێلێکی جۆری لاند کرۆزەر لەوێوە رۆیشتوە و خۆی پێنەگیراوەتەوە و کۆنترۆڵی لەدەستداوە و وەرگەڕاوە، لە ئەنجامدا دوو سەرنشین بریندار بون.
بەمەش لە هەردوو رووداوەکەدا سێ کەس بریندار بوون، بە وتەى عومەر عەلى بریندارەکان بۆ چارەسەر بەرەو نەخۆشخانە بەڕێکراون.
پێداچوونەوە: وریا فەتاح
