راهێنانی ژمارەیەک پۆلیس لە سلێمانی. فۆتۆ: سۆشیاڵ میدیا
لە سلێمانی
ئەفسەرەکانی پۆلیسی راپەڕین راهێنانی نیشانەشکاندن دەکەن
964+
ژووری هەواڵ
بەڕێوەبەرایەتی پۆلیسی راپەڕین خولی نیشانەشکاندنی کردووەتەوە و ژمارەیەک ئەفسەری بۆ ئەو مەبەستە ناردووەتە سلێمانی و لەوێ مەشق و راهێنانیان پێکراوە.
ئەمڕۆ چوارشەممە 3.7.2024، پۆلیسی راپەڕین رایگەیاند، سێ ئەفسەری بەڕێوەبەرایەتییەکە خولێکی نیشانەشکاندنیان بینیوە بەئامانجی بەرزکردنەوەی توانا و زانیاری نوێی سەربازی لە بەڕێوەبەرایەتی مەشق و شیاندنی سلێمانی.
رابەر حەسەن، وتە بێژی پۆلیسی راپەڕین بە 964ـی وت، “خولەکە بۆ ماوەی چوار رۆژ بەردەوام بوو، بەشداربووان بەشێوەی کرداری مەشق و راهێنانیان ئەنجامدا”.
هەفتەی رابردووش خولێکی چەند رۆژی نیشانەشکاندن بۆ پۆلیسەکانی بەشی پاسپۆرتی سلێمانی کرایەوە و لەدوای تەواوبوونی خولەکە، بەشداربووان بڕوانامەیان پێدرا.
