تیمی قایمقامیەتی زاخۆ. وێنە:964
زاخۆ
بەهۆى سەرپێچییەوە حەوت مارکێت و شیرنەمەنى داخرا
964+
شڤان عەبدوڵا – زاخۆ
بە تۆمەتى زێدەڕۆییکردنە سەر شوستە و شەقامە گشتییەکان و هەبوونى کەرەستەى بەسەرچوو، حەوت شوێنی بازرگانی لەلایەن قایمقامییەتی زاخۆ سزادران.
لیژنەکانی قایمقامییەتی زاخۆ، حەوت شوێنی بازرگانی کە پێکهاتبوون لە مارکێت و شیرنەمەنى بەهۆى زیێدەڕۆیی بۆسەر شۆستە و شەقامەکان و هەبوونی یەک تۆن کەرەستەی خۆراکی ماوە بەسەرچوو، سزادان.
وەڵات هەجەر، سەرۆکی لیژنەکانی بەدواداچوونی بازاڕى قایمقامییەتى زاخۆ بە 964ـى وت،” لە بەدواداچوونەکانماندا چوار لەو شوێنانەمان داخستن و سێ شوێنى دیکەش بە بڕێک پارە سزادران”.
لەبارەى ئەو شوێنانەى داخراون، وەڵات جەوهەر جەختى کردەوە تا رێنماییە تەندروستییەکان جێبەجێ نەکەن و مۆڵەتى کارکردنیان پێ نادرێتەوە.
پێداچوونەوە: میدیا گۆران
لیژنەکان لە سلێمانی چاویان داناخەن
