دیمهنێكی بهڕێوهچوونى خوله‌كه.. وێنه: به‌رگرى شارستانى سۆران
کارمەندانی به‌رگرى شارستانى سۆران راهێنان له‌سه‌ر ئه‌سانسۆر ده‌کەن
964+
فه‌رهاد حه‌سه‌ن
بنكه‌كانى به‌رگرى شارستانى سۆران، خولێكی راهێنان بۆ كارمه‌ندانى ده‌كاته‌وه بۆ رزگاركردنى ئه‌و هاوڵاتیانه‌ى له‌ناو ئه‌سانسۆره‌كاندا گیرده‌خۆن.
خوله‌كه‌ى به‌رگرى شارستانى سۆران، دواى ئه‌و رووداوه دێت كه له رۆژى چوارشه‌ممه 16.8.2023، لە سەنتەری قەزای سۆران چوار کەس لە ناو ئەسانسۆرێک بۆ ماوه‌ی زیاتر له کاتژمێرێك گیریان خوارد، دواتر له‌لایه‌ن تیمێكی هونه‌ریی كۆمپانیای دانانی ئه‌سانسۆر رزگار كران.
ره‌وه‌ند هاودیانی، وته‌بێژی به‌رگریی شارستانی سۆران به 964ـی وت، خوله‌كه له‌لایه‌ن کۆمپانیای SOFTLEFT ئاماددە و پێشکەشکرا و كارمه‌ندان له‌سه‌ر ئه‌وه راهێندران چۆن له‌و حاڵه‌تانه‌دا هاوڵاتیان رزگار بكه‌ن.
وتیشی “خوله‌كه بۆ ئه‌و بنكانه‌یه كه له سنووره‌كه‌یاندا باڵه‌خانه و ئاپارتمانى به‌رز هه‌ن و ئه‌سانسۆر بۆ هاوڵاتیان به‌كار ده‌هێندرێت”.
