دیمهنێكی رووباری سیروان له گهرمیان. وێنه: 964+
14 ئەفغانی لە دەربەندیخان دەستگیرکران
964+
میلاد جەلال
14 کەسی ئەفغانی بە قاچاغ ھاتبوونە ھەرێمی کوردستان، لە نزیک رووباری سیروان لە قەزای دەربەندیخان دەستگیرکران.
بەپێی زانیاریەکانی 964 لە زاری بەرپرسانی ئەمنی، ئەو کەسانە لە شاری بانەی رۆژھەڵاتی کوردستانەوە بە قاچاغ هاتوونەتە هەرێمی کوردستان بە مەبەستی کارکردن.
سەلام عەبدولخالق وتەبێژی ئاسایشی هەرێم بە 964ـی وت، “رۆژی پێنجشەممەی رابردوو 17.8.2023 لەسەر رووباری سیروان لە قەزای دەربەندیخان دەستگیرکراون، 14 کەسن و ھەموویان لە رەگەزی نێرن”.
ئەوان بە پیادە لە نزیک رووباری سیروان بینراون و دواتریش دەستگیرکراون.
ئاماژەی بەوەشکرد، بەمەبەستی کارکردن ھاتوونەتە ھەرێمی کوردستان، دوای دادگایی و رێکارە یاساییەکان دەگەڕێنرێنەوە ئەو شوێنەی لێوەی ھاتوون.