رادیۆ 24 سەعاتییهكهش دادى نهدان
رهوه ورچ واز له ههنگهكانى بنارى قهندیل ناهێنێت
964+
فهرهاد حهسهن
رەوە ورچ فێربووە بە شانە هەنگەکانی بناری قەندیل و هەر شەوی لێدێت دەیانبڕن و خۆیانی لێ ون دەکەن.
لهماوهى سێ رۆژى رابردوودا دووجار رهوه ورچ هێرشیان كردووهته سهر شانهههنگهكانى بنارى قهندیل، شهوى رابردووش بههۆى ئاگركهوتنێكهوه زیاتر له 30 شانه ههنگی ههنگهوانێك سووتا.
کاروان ئەحمەد، دانیشتوویەکی گوندی ئێندزەیە لە بناری قەندیل، بە 964ـی وت، لە سێ رۆژی رابردوودا دووجار رەوە ورچ داویەتی بەسەر شانە هەنگەکانیاندا و تێکیداون بەسەر یەکدا.
دەشڵێت: ئەگەرچی رادیۆیەکیان لە تەنیشت شانە هەنگەکان داناوە کە 24 سەعات ئیش دەکات، بەڵام ورچەکان پێدەچێت لە فێڵەکە تێگەیشتبن و گوێیان پێنەداوە، هەر بەدەم گوێگرتن لە رادیۆکەوە تێروپڕیان لە هەنگوینەکە خواردووە.
به قسهى ئهو هاوڵاتییه، رۆژى 17.8.2023 ورچ 13 مێشی هاوڵاتییهكی ههنگهوانى بهناوى محهمهد حەسەن خواردووه.
کاتژمێر 11ـى شهوى رابردووش 18.8.2023 بههۆى كهوتنهوهى ئاگرێكی گهوره 35 شانهههنگی هاوڵاتییهك بهناوى سەمەد رەسوڵ مستەفا سووتا.