وێنەی کارمەندێکی تەندروستی لەکاتی ئەنجامدانی تیشک بۆ نەخۆشێک. وێنە:بەڕێوەبەرایەتی تەندروستی سلێمانی.
لە سلێمانی
لە مانگێکدا تەنیا دوو حاڵەتی شێرپەنجەی مەمک تۆمارکراوە
964+
فەهمی نەبی
تەندروستی سلێمانی رایگەیاندووە، لەماوەی مانگێدا هەزار و 13 نەخۆش سەردانی کلینکی نەخۆشخانەی مەمکیان کردووە و لەو رێژەیە تەنیا دووانیان شێرپەنجەی مەمکیان هەبووە.
ئەمڕۆ هەینی بەڕێوەبەرایەتی تەندروستی سلێمانی ئاماری یەک مانگی کلینکی چارەسەری نەخۆشیەکانی مەمکی سلێمانیان کردووە، ئامارەکە لە 1 تاوەکو 31.7.2023 بووە، لەو رێژەیە سەردانی نەخۆشخانەکەیان کردووە، 368 نەخۆشیان نوێ بوونە، ئەوانەی دیکە پێشتر تۆمارکراون و سەردانیان هەبووە.
لەو هەزار و 13 نەخۆشە، تەنیا دوو حاڵەتی شێرپەنجەی مەمک تۆمارکراوە، 224 حاڵەت بەهۆی بوونی ئازار و 91 نەخۆش بەهۆی بوونی گرێ سەردانی نەخۆشخانەکەیان کردووە.